ලංකා ප්‍රිමියර් ලීග් ක්‍රිකට් තරගාවලියට සහභාගිවන විදෙස් ක්‍රීඩකයන් ප්‍රමාණයේ යම් අඩුවීමක් සිදුවෙමින් පවතින බව පැවසේ.
මේ වන විටත් ලංකා ප්‍රිමියර් ලීග් ක්‍රිකට් තරගාවලියට සහභාගිවීමට නියමිතව සිටි ජාත්‍යන්තර ක්‍රීඩකයින් 05 දෙනෙකු තරගාවලිය සඳහා සහභාගී නොවන බව දැනුම් දී තිබේ.
බටහිර ඉන්දීය කොදෙව් ක්‍රීඩක ඇන්ඩ්‍රි රසල්, දකුණු අප්‍රිකානු ක්‍රීඩකයින් වන ෆෆ් ඩූ ප්ලෙසිස්, ඩේවිඩ් මිලර් සහ ඩේවිඩ් මාලන් මෙලෙස තරගාවලිය සඳහා සහභාගී නොවන බව මෙසේ දැනුම් දී ඇති ක්‍රීඩකයන් වෙති.
ෆෆ් ඩූ ප්ලෙසිස්, ඩේවිඩ් මිලර් සහ ඩේවිඩ් මාලන් දකුණු අප්‍රිකාව සහ එංගලන්තය අතර පැවැත්වෙන එක්දින තරගාවලියට සහභාගී වන බැවින් ලංකා ප්‍රිමියර් ලීග් තරගාවලියට සහභාගී නොවන බව දැනුම් දී තිබේ.
ආබාධයක් හේතුවෙන් ඇන්ඩ්‍රි රසල් මෙම තරගාවලිය සඳහා සහභාගී නොවන බව දැනුම් දී ඇත.
ඊට අමතරව ඉන්දියානු ක්‍රීඩක මන්වීන්ද්‍ර බිස්ලා ද ලංකා ප්‍රිමියර් ලීග් තරගාවලියට සහභාගී නොවන බව දැනුම් දී තිබේ.