ගෙවුණු පැය 24 තුළ ඉන්දියාවේ ප්‍රාන්ත 15කින් කිසිදු කොවිඩ් මරණයක් වාර්තා වී නොමැති බව එරට සෞඛ්‍ය අංශ පවසනවා. ඔවුන් වැඩි දුරටත් සඳහන් කරන්නේ එරට දෛනික රෝගීන්ගේ සංඛ්‍යාවද ක්‍රමයෙන් අඩු වෙමින් පවතින බවයි. එමෙන්ම පසුගිය සති 5 තුළ ඉන්දියාවේ කොවිඩ් මරණ 55%කින් අඩු වී ඇති බවද සඳහන්. ගෙවුණු පැය 24 තුළ දිල්ලි අගනුවරින්ද කිසිදු කොවිඩ් මරණයක් වාර්තා වී නැහැ. එරට කොවිඩ් මර්දන එන්නත්කරණ වැඩසටහනත් සමගින් මෙම ප්‍රගතිය පෙන්නුම් කරන බවයි එරට බලධාරීන් සඳහන් කරන්නේ.