ජෙරම් ජයරත්න මහතා ශ්‍රී ලංකා ක්‍රිකට් කණ්ඩායමේ නව කළමනාකාරවරයා ලෙස පත් කර ඇත.
ඔහු මීට පෙරද ජාතික ක්‍රිකට් කණ්ඩායමේ වැඩබලන පුහුණුකරු ලෙස කටයුතු කර තිබේ.
මෙම පත් කිරීම සමග ඊළඟට පැවැත්වෙන බටහිර ඉන්දීය කොදෙව් සංචාරයේදී ශ්‍රී ලංකා කණ්ඩායමේ කළමනාකාරීත්වය ඔහුට හිමිවනු ඇත.
පසුගියදා අසන්ත ද මෙල් මහතා ශ්‍රීලංකා ක්‍රිකට් කණ්ඩායමේ කළමනාකාර ධුරයෙන් ඉල්ලා අස්විය.
ජෙරම් ජයරත්න මහතා අගමැති මහින්ද රාජපක්ෂ මහතාගේ බාල පුත් රෝහිත රාජපක්ෂ මහතාගේ බිරිඳ වන ටට්යානා ජයරත්න මහත්මියගේ පියාය.කෙසේ වෙතත් ඔහු මීට පෙර සිටම මෙරට ක්‍රිකට් ක්ෂේත්‍රය සමග කටයුතු කර තිබේ.