ඉන්දීය ප්‍රකෝටිපති ව්‍යාපාරික ගෞතම් අදානිට එරෙහිව අමෙරිකාවේ අධිකරණයක් විසින් අල්ලස් චෝදනාවක් සම්බන්ධයෙන් අධිචෝදනා ගොනුකර තිබේ.
අමෙරිකාවේ නිව්යෝර්ක්හි අධිකරණයක් මඟින් ඊයේ (20) දිනයේ දී අදාළ අපරාධ චෝදනා ගොනුකර ඇති බව විදෙස් මාධ්‍ය වාර්තා කළේය.
සූර්ය බලශක්ති සැපයුම් කොන්ත්‍රාත්තුවක් ලබා ගැනීම සඳහා අමෙරිකානු ඩොලර් මිලියන 250ක අල්ලස් මුදලක් ලබාදීම සම්බන්ධයෙන් ගෞතම් අදානිට එරෙහිව මෙම චෝදනා ගොනුකර තිබේ.
කෙසේවෙතත් අදාළ චෝදනාව සම්බන්ධයෙන් ප්‍රතිචාර දැක්වීම අදානි සමාගම ප්‍රතික්ෂේප කර ඇති බව වාර්තා වේ.