ඉන්දීය නාවික හමුදාවට අයත් සබ්මැරීනයක් නිල සංචාරයක් සඳහා කොළඹ වරායට පැමිණ තිබේ.
අද (10) පෙරවරුවේ කොළඹ වරායට ළඟා වූ ‘INS Vela’ සබ්මැරීනය ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව පිළිගත් බව නාවික හමුදාව පවසයි.
දිගින් මීටර් 67.5කින් යුත් සබ්මැරීනයේ කාර්යමණ්ඩලය 53 දෛනකුගෙන් සමන්විත වේ.
‘INS Vela’ සබ්මැරීනය ලබන 13 වනදා දිවයිනෙන් පිටත්ව යාමට නියමිතව ඇත.
එම කාලය තුළ එහි කාර්යමණ්ඩලය, දෙරටේ නාවික හමුදාවන්ගේ සුහදත්වය වර්ධනය කිරීම වෙනුවෙන් සංවිධානය කරනු ලබන වැඩසටහන් කිහිපයකට සහභාගී වීමට නියමිතව ඇත.
එමෙන්ම ඉන්දීය නාවිකයින් පිරිස මෙරට වැදගත් ස්ථාන නැරඹීම සඳහා ප්‍රදේශ කිහිපයක සංචාරය කිරීමට ද සැලසුම් කර ඇති බව නාවික හමුදාව වැඩිදුරටත් සඳහන් කළේය.