කුලියාපිටියේ සුසිත් ජයවංශ නමැති තිස් හැවිරිදි තරුණයාව ඝාතනය කර ඇත්තේ, ඔහුගේ පෙම්වතිය බව කියන 17 හැවිරිදි තරුණිය ගැබ් ගැනීමෙන් අනතුරුව ඔහු එය ප්‍රතික්ෂේප කිරීම නිසා බව මේ වනවිට අත්අඩංගුවේ පසුවන සැකකරුවන් පොලීසියට පවසා තිබේ.
එමෙන්ම ඝාතනය කිරීමට පෙර දින රාත්‍රියේදී ද අදාළ තරුණියගේ පියා විසින් ඔහුව නිවසට කැඳවා ඇති බවත් එහිදී ඝාතනය කිරීමට නොහැකි වී ඇත්තේ, ඔහු තවත් තරුණයන් දෙදෙනෙකු සමග පැමිණීම හේතුවෙන් බව පොලිස් විමර්ශනවලදී අනාවරණය වී ඇත.
මේ වනවිට අත්අඩංගුවේ පසුව සැකකරුවන්ගෙන් සිදුකළ ප්‍රශ්න කිරීම්වලදී ඔවුන් පවසා ඇත්තේ, අදාළ තරුණාව, පෙම්වතියගේ නිවසේදී ඝාතනය කිරීමෙන් පසුව මළසිරුර හලාවත, මාදම්පේ පනිරෙන්ඩාව රක්ෂිත වනාන්තරය අසලට ගෙනවිත් ලීයක ආධාරයෙන් කර තබාගෙන කැලය ඇතුළට රැගෙන ගොස් ඇති බවය.
කොහු ලණු සිරුරට බැඳ ලීයක් වැනි යමක් දැමීමෙන් පසු එම පුද්ගලයාගේ සිරුර ඔසවාගෙන පැමිණ ඇති බව පශ්චාත් මරණ පරීක්ෂණයේදී අනාවරණ වී තිබේ.
තරුණයා ඝාතනය කිරීමෙන් පසුව සිරුර ඔසවා වාහනයේ පිටුපස අසුනේ ඔහු පණපිටින් සිටින ආකාරයට වාඩි කරවාගෙන කුලියාපිටියේ සිට මාදම්පේ රක්ෂිත වනාන්තරය ආසන්නයට රැගෙනවිත් අති බවටද පොලිස් විමර්ශනවලදී අනාවරණ වී තිබේ.
මෙම සිද්ධියේ ප්‍රධාන සැකකරු වන “සිඟිති” නමැත්තාගේ මස්සිනා සැකපිට අත්අඩංගුවට ගැනීමෙන් අනතුරුව කරන ලද ප්‍රශ්න කිරීම්වලදී ඔහු පවසා ඇත්තේ, රක්ෂිත වනාන්තරයට රැගෙන ඒමෙන් අනතුරුව දස වධ දී ඝාතනය සිදුකර ඇති බවය.
ඒ හේතුවෙන් එම ඝාතනය සිදුකළේ කුමන ස්ථානායකද යන්න පිළිබඳව මෙතෙක් තහවුරු වී නොමැත.
ඝාතනය වූ තරුණයා සිඟිති නමැත්තාගේ දියණිය සමග ප්‍රේම සබඳතාවක් පවත්වාගෙන යන අතරතුර තවත් තරුණියක් සමග ද ප්‍රේම සබඳතාවක් පවත්වාගෙන ගොස් ඇති අතර පොලීසිය සැක කරන්නේ එම තරුණියද මේ වනවිට ගැබ්ගෙන ඇති බවය.
ජයවංශ නමැත්තා මීට පෙර විවාහයක් සිදුකරගෙන සිටි අයෙකු වන අතර පසුව ඔහු නීත්‍යානුකූලව බිරිඳගෙන් වෙන් වී තිබේ.
කුලියාපිටියේ තරුණයා අතුරුදන් කිරීම හා ඔහු ඝාතනය කර කැලයක තිබී හමුවීමේ කතාව මේ වනවිට වෙනස් මුහුණුවරකට හැරී තිබේ.
මාධ්‍ය වාර්තා අනුව පෙම්වතිය බලන්නට ගිය ‘අහිංසක‘ තරුණයකු ඝාතනය කර තිබේ. නමුත් පෙම්වතියගේ පියා ලෙස සැලකෙන සුජිත් ප්‍රනාන්දු නොහොත් ‘සිඟිති‘ ට අනුව මෙම ඝාතනය සිදුවන්නේ පිය සෙනෙහසේ නාමයෙනි.
තමන්ගේ දියණියට වයස 17 ක් බවත් ඇය දැන් ගැබිණියක බවත් පොලිසියට පවසා ඇති සිඟිති දියණිය ගැබිණියක් බවට පත් කරන ලද්දේ මියගිය 31 හැවිරිදි තරුණයා බවද පවසා තිබෙයි.
තමාට මුලින් අවශ්‍ය වූයේ ඔහු ඝාතනය කරන්නට නොව ඔහු දියණියගේ ලැබෙන්නට සිටින දරුවාගේ පියා වන බැවින් ඔහුව දියණියට විවාහ කරදෙන්නට බවත් මේ ගැන සාකච්ඡා කිරීමට තමා ඔහුව ගෙන්වා ගත් අවස්ථාවේ ඔහු දිගින් දිගටම දියණිය භාරගැනීම ප්‍රතික්ෂේප කළ නිසා අවසානයේ ඇතිවූ ආරවුල ඝාතනයක් දක්වා දුරදිග ගිය බවය.
ඊයේ අධිකරණයේදී ඇප අහිමිව නැවත රක්ෂිත බන්ධනාගාරයට ගිය සිඟිති හා ඔහුගේ බිරිය බන්ධනාගාරය වෙත යමින් සිටියදී මාධ්‍යවේදීන් අමතා ප්‍රකාශ කළේ, තම දියණිය 52 වතාවක් අපයෝජනය කළත්, මාධ්‍ය ඒ බැව් කතා නොකරන්නේ ඇයිදැයි යනුවෙනි. තමාගේ නිවස පුලුස්සා ඇති බව හා තම දියණියට සිදුව තිබූ තත්ත්වයද හෙළි කළයුතු බව සිගිති එහිදී පැවසීය. සිඟිති වැඩිදුරටත් කියා සිටියේ තමා ගැන පමණක් මාධ්‍යයේ කතා නොකොට තමන්ට ඇතිවූ ප්‍රශ්නත් පළ කරන ලෙසයි.
මෙසේ මියගිය කුලියාපිටිය ප්‍රදේශයේ තරුණයා මිය යනවිට 31 හැවිරිදි වියේ පසුවූ අතර තරුණයා මින් පෙර විවාහ වී සිටි අයෙකු බවත් මේ
වනවිට එම විවාහය අතහැර දමා සිටින බවත් වාර්තා වේ, එමෙන්ම ඔහු තවත් තරුණියක ඇසුරු කර ඇයද
ගැබිනියක් වූ පසු ගබ්සාවකට ලක්කර ඇති බවටද ආරංචියක් පවතී.
මේ අතර ඝාතනයට ලක් වූ සුසිත් ජයවංශ නැමැත්තා ප්‍රේම සම්බන්ධතාවක් පවත්වාගෙන ගියේ යැයි කියන 17 හැවිරිදි තරුණිය සිටින ප්‍රදේශයක් ගැන තවම තොරතුරු හෙළි වී නොමැති බව ද පොලිසිය සඳහන් කරයි.ගැබිනියක වී ඇතැයි කියන ඇය සොයා ගැනීමට ද පොලිසිය පරීක්ෂණ පවත්වා ගෙන යයි.මෙම දාහත් හැවිරිදි තරුණිය සමග ඇයගේ බාලවයස්කාර සහෝදරයන් දෙදෙනාද තවම පොලිසියට හමුවී නැත.