ජ්යෙෂ්ඨ පොලිස් අධිකාරිවරයෙකුට සහ ඔහුගේ රියදුරාට අමුතුම ආකාරයේ ප්රහාරයක් සිදු කළ පුද්ගලයෙකු පිළිබඳ ඇඹිලිපිටිය ප්රදේශයෙන් වාර්තා වෙනවා.
මෙම පුද්ගලයා ඔවුන් දෙදෙනාගේ දෑත් සපා කෑමට කටයුතු කර ඇති බව යි වාර්තා වන්නේ.
මෙලෙස සපා කෑමට ලක්ව ඇත්තේ ඇඹිලිපිටිය ජ්යෙෂ්ඨ පොලිස් අධිකාරි සුගත් මාසිංහ මහතා සහ ඔහුගේ රියැදුරු මහතා යි.
පුවත් ආරංචි මාර්ග සඳහන් කරන්නේ පෙරේදා (07) රාත්රියේ ඇඹිලිපිටියේ පිහිටි සුපිරි වෙළෙඳ සැලක් අසල ජ්යෙෂ්ඨ පොලිස් අධිකාරිවරයාගේ වාහනය නතර කර තිබී ඇති බව යි.
එහි දී එම ස්ථානයට පැමිණි අදාළ සැකකරු එම වාහනය නීති විරෝධී ලෙස නවතා තිබෙන බවට පවසමින් රියැදුරු සමග බහින්බස් වී ඇති බව සඳහන්.
මෙම බහින්බස් වීම ක්රමයෙන් දරුණු අතට හැරී ඇති අතර එහි දී එම ස්ථානයට ජ්යෙෂ්ඨ පොලිස් අධිකාරීවරයා ද පැමිණ තිබෙනවා.
සැකකරු ඔහුට ද බැණ වැදී තර්ජනය කොට ඇති බව පැවසෙනවා.
පසුව අදාළ පුද්ගලයා ජ්යෙෂ්ඨ පොලිස් අධිකාරීවරයාගේ සහ ඔහුගෙ රියැදුරුගේ දෑත් දරුණු ලෙස සපා කා ඇති බව යි වාර්තා වන්නේ.
සපා කෑමෙන් තුවාල ලැබූ දෙදෙනා වෛද්ය ප්රතිකාර සඳහා යොමු කොට ඇති අතර ඇඹිලිපිටිය පොලීසිය විසින් සැකකරු අත්අඩංගුවට ගෙන තිබෙනවා.
මේ වන විට අනාවරණය වී ඇත්තේ ඔහු යුද හමුදාවෙන් පැන ගිය පුද්ගලයෙකු බව යි.
එමෙන්ම ඔහු මිනීමැරුම් ඇතුළු අපරාධ සම්බන්ධයෙන් ඇප මත සිටින්නෙකු බව ද පොලීසිය සඳහන් කළා.
සබැඳි පුවත් > > >