මූල්‍ය අරමුදලෙන් ඩොලර් මිලියන 300 ක ණයක් බලාපොරොත්තු වන රට පසුගිය වසරේ කිරි අල ඇතුළු මෙරට වැවෙන බෝග කිහිපයක් ගෙන්වන්නට ඩොලර් මිලියන 295 ක් වැය කොට ඇතැයි පොදුජන පෙරමුණේ කොළඹ දිස්ත්‍රික් මන්ත්‍රී මධුර විතානගේ මහතා පාර්ලිමේන්තුවේ දී පැවසීය.
සුදු ලූනු ,අල,කජු,ගොරකා ,තක්කාලි,ගස්ලබු කොමඩු, කිරි අල,අන්නාසි ,මෑ කරල්,කජු ආදිය මෙලෙස ඩොලර් වැය කර ගෙන්වා තිබෙන්නේ යැයිද මන්ත්‍රීවරයා සඳහන් කළේය.
ආණ්ඩු පක්ෂයේ හිටියාට බොරුවට පම්පෝරි ගහන්න එපා යැයි ඇමතිවරුන්ට කියන බව පැවැසූ මන්ත්‍රීවරයා අමාත්‍යංශ වලට ජනපති වෙන් කළ මුදල් වලින් තමන්ගේ යුතුකම ඉටුකරන්නැයි ඉල්ලා සිටින බවද මන්ත්‍රීවරයා සඳහන් කළේය.
තමන්ට බාර දී තිබෙන කාර්ය සාධනය නිසි පරිදි කරන්නැයි කී විතානගේ මහතා එසේ නැතුව තවදුරටත් කිරි අල, මඤ්ඤොක්කා, බතල ගෙන්වන ආර්ථිකයක් හදා වැඩක් නැතැයි කීය. මහ පොළොවේ වැවෙන බෝග ටික වවා ගන්නේ නැතිව පොළොව යට තියෙන ඛනිජ ගැන සෙවීමෙන් වැඩක් නැතැයි කී විතානගේ මහතා කිරි අල ,මඤ්ඤොක්කා ගෙනැවිත් රටේ තිබෙන ඩොලර් පිටරට වෙත යවන්න උත්සාහ කරනවා නම් එය සැමගේ අවාසනාව බව කීය.