විවිධ අධ්‍යයන සහ පුහුණුවීම් කටයුතු සඳහා පසුගිය 2021 වසරේදී විදේශයන්ට යැවූ සත්ව නිෂ්පාදන හා සෞඛ්‍ය දෙපාර්තමේන්තුවේ නිලධාරීන් 9 දෙනෙකු නැවත සේවයට වාර්තා කර නැතැයි ජාතික විගණන කාර්යාලය නිකුත් කළ වාර්තාවක සඳහන් වේ.
අනිවාර්ය සේවා කාලයක් සේවය කිරීම සඳහා එළැඹී ගිවිසුම කඩ කිරීම නිසා එම නිලධාරින්ගෙන් දඩ මුදල් වශයෙන් රුපියල් එක්කෝටි හැත්තෑ දෙලක්ෂයකට වැඩි මුදලක් අයකර ගැනීමට ඇතත් මෙතෙක් එම මුදල අයකර ගෙන නැතැයිද එහි දැක්වේ.
මේ අනුව ආයතන සංග්‍රහයේ විධිවිධාන අනුව කටයුතු කර එම මුදල් අයකර ගන්නැයි විගණන කාර්යාලය එම ප්‍රධානීන්ට නිර්දේශ කර ඇත.
මේ සම්බන්ධයෙන් ප්‍රතිචාර දක්වන සත්ව නිෂ්පාදන හා සෞඛ්‍ය දෙපාර්තමේන්තුව ප්‍රකාශ කර ඇත්තේ එම මුදල් අයකර ගැනීමේ උත්සාහය අතහැර දමා නැති බවයි.