පොලිස් නිලධාරීන් අතින් මේ දිනවල දිගින් දිගටම සිදුවන ජනතාවගේ මානව හිමිකම් උල්ලංඝනය කිරීම සම්බන්ධයෙන් කරුණු විමසීම සදහා මහජන ආරක්ෂක අමාත්‍යාංශයේ ලේකම්වරයා සහ පොලිස්පතිවරයා ශ්‍රී ලංකා මානව හිමිකම් කොමිසම හමුවට කැඳවා ඇතැයි එම කොමිසම පවසයි.
මෙම මස 21 වැනි දින පෙරවරු 10..00ට මෙම කර ඇතැයිද එම කොමිසම පවසයි.
පොලිස් නිලධාරීන් ගේ අත්තනෝමතික ක්‍රියාත්මක වීම් තුලින් ජනතාවගේ මානව හිමිකම් දිගින් දිගටම උල්ලංඝනය වන තත්ත්වයක් නිරීක්ෂණය වන බවත්, තත්ත්වය ප්‍රජාතන්ත්‍රවාදී සමාජයක ජීවගුණයට නීතියේ ආධිපත්‍යයට බලවත් තර්ජනයක් බව ශ්‍රී ලංකා මානව හිමිකම් කොමිසම පවසයි.
නීතිය ආරක්ෂා කිරීමට බැඳී සිටින පොලිස් නිලධාරීන් ගේ හැසිරිම කිසිසේත් අනුමත නොකරන බව ද මානව හිමිකම් කොමිසම් සභාව දන්වා සිටිය.
මෙම තත්ත්වය වළක්වා ගැනීම සඳහා ගත යුතු පියවර සම්බන්ධයෙන් මෙහිදී සාකච්ඡා කිරීමට නියමිතව ඇති බව ශ්‍රී ලංකා මානව හිමිකම් කොමිසම වැඩිදුරටත් පවසයි.