විදෙස්ගත ශ්‍රමිකයන්ට ඔවුන්ගේ ප්‍රේෂණවල වටිනාකම මත පදනම්ව විද්‍යුත් මෝටර් වාහන ආනයන කිරීම සඳහා අවසර ලබාදීමේ විධිවිධාන ඇතුළත් ගැසට් පත්‍රයට රජයේ මුදල් පිළිබඳ පාර්ලිමේන්තු කාරක සභාවේ අනුමැතිය හිමිවිය.
අති විශේෂ ගැසට් පත්‍රයේ( 2298/55 දරන)සදහන් ආනයන හා අපනයන (පාලන) පනත යටතේ රෙගුලාසි පිළිබඳවද මෙහිදී සලකා බැලිණ.
මේ අතර රජයේ මුදල් පිළිබඳ කාරක සභාව 2297/79 දරන අති විශේෂ ගැසට්පත්‍රයේ සදහන් ආනයන හා අපනයන (පාලන) පනත යටතේ රෙගුලාසි පිලිබඳවද මෙහිදී සලකා බැලුවේය. මෙම රෙගුලාසි මගින් කෙරෙන්නේ අත්‍යවශ්‍ය ආහාර ද්‍රව්‍ය විවෘත ගිණුම් ක්‍රමය යටතේ ආනයනය කිරීම සඳහා වූ කාලය දීර්ඝ කිරීමයි.