උද්ධමන අනුපාතය සහ පවතින ඉන්ධන හිඟය ශ්‍රී ලංකාවේ ආහාර සුරක්ෂිතතාවට දිගින් දිගටම තර්ජනය කරන බව මානුෂීය කටයුතු සම්බන්ධීකරණය සඳහා වූ එක්සත් ජාතීන්ගේ කාර්යාලය ප්‍රකාශ කළේය.
කොළඹ පාරිභෝගික මිලදර්ශකයට අනුව අගෝස්තු මස සියයට 64.3 ක් වූ උද්ධමනය සැප්තැම්බර් මස සියයට 69.8 ක් දක්වා දක්වා ඉහළ ගොස් ඇති බව ශ්‍රී ලංකා මහ බැංකුව ප්‍රකාශ කළේය.
එසේම සිදු වූ මිල ඉහළ යාම් හේතුවෙන් අගෝස්තු මස සියයට 93.7 ක් වූ ආහාර කාණ්ඩයේ උද්ධමනය සැප්තැම්බර් මස සියයට 94.9 ක් දක්වා ඉහළ ගොස් ඇති බවත් අගෝස්තු මස සියයට 50.2 ක් වූ ආහාර නොවන කාණ්ඩයේ උද්ධමනය සැප්තැම්බර් මස සියයට 57.6 ක් දක්වා ඉහළ ගොස් ඇති බවත් ශ්‍රී ලංකා මහ බැංකුව පෙන්වා දුන්නේය.
මේ අතර මෙම වසරේ පළමු කාර්තුව තුළ සියයට 4.3 ක් වූ විරැකියා අනුපාතය දෙවැනි කාර් තුවේදී සියයට 4.6 ක් දක්වා ඉහළ ගොස් ඇති බවත් පළමු කාර් තුවේ සියයට 51.2 ක් වූ ශ්‍රම බලකා සහභාගීත්වය සියයට 50.1 ක් දක්වා දෙවැනි කාර් තුවේදී පහළ වැටී ඇති බවත් ශ්‍රී ලංකා මහ බැංකුව පැවසුවේය.
ඉහළ උද්ධමනය, භාණ්ඩ වල මිල ඉහළ යාම, විදුලිය කප්පාදුව සහ ඉන්ධන හිඟය හේතුවෙන් ශ්‍රී ලංකාවේ ආර්ථික අර්බුදය තවදුරටත් පවතින බවත් කෘෂි කාර් මික නිෂ්පාදනවල සැලකිය යුතු අඩුවීම අර්බුදය තවත් උග්‍ර කර ඇති බවත් මානුෂීය කටයුතු සම්බන්ධීකරණය සඳහා වූ එක්සත් ජාතීන්ගේ කාර් යාලය සඳහන් කළේය.
ශ්‍රී ලංකාව ජාත්‍යන්තර මූල්‍ය අරමුදලේ ඇමෙරිකානු ඩොලර් බිලියන 2.9 ක ණය මුදල ලබා ගැනීම සඳහා මූල්‍ය අරමුදලේ කළමනාකාරීත්වයේ සහ විධායක මණ්ඩලයේ අනුමැතිය ලබා ගැනීමේ අපේක්ෂාවෙන් සිටින බව මානුෂීය කටයුතු සම්බන්ධීකරණය සඳහා වූ එක්සත් ජාතීන්ගේ කාර් යාලය පෙන්වා දුන්නේය.