අවුරුදු පහක් රට පාලන කර කෘෂිකර්මාන්තට කිසිම දෙයක් නොකළ විපක්‍ෂය අද ගොවි ජනතාව රවටා රට අරාජික කිරීමට උත්සහ කරනවා.වර්තමාන රජය ලබාගත් ජයග‍්‍රහණ බොරු ප‍්‍රචාරවලට රැවවී පාවාදීමට සූදානම් නොවිය යුතුයැයි ජනාධිපති ගෝඨාභය රාජපක්ෂ මහතා පවසයි.
විපක්‍ෂය එදා බොරු ප‍්‍රචාර කර මහින්ද රාජපක්ෂ මහතාට ජනතාව නැතිකර ආණ්ඩුව පෙරළල එදා තහවුරු කළ ජාතික ආරක්‍ෂා විනාශ කර දැමීම්මා. ඒ නිසා පාස්කු ප‍්‍රහාරය වැනි විනාශයන්ට මුහුණ දීමට ජනතාවට සිදුවූණා. යහපාලන ආණ්ඩුව බුද්ධ ශාසනය, රටේ සංස්කෘතිය සහ රටේ ස්වෛරීත්වය විනාශ කළා.
වර්තමාන ආණ්ඩුව නැවතත් ජාතික ආරක්‍ෂාව තහවුරු කර ආගමට සහ සංස්කෘතියට නැතිවී ගිය කූරගල සහ දීගවාපිය වගේ සංස්කෘතික උරුමයන් එකතු කළා. දේශීය සහ විදේශීය බලවේග මේ රජය පෙරළන්නට උත්සාහ කරනව.
රජය නොසිතු විරු අන්දමට ‘කොවිඞ්’ වසංගත අභියෝගය පැමිණිය ද නායකයෙක් හැටියට අභියෝගයට මුහුණ දුන්නා.
වැඩවර්ජන කරන අය මේ අවස්ථාවකදී ජනතාව දිහා බලා කටයුතු කළ යුතුයි. වැඩවර්ජන කරන අයගේ වගකීම ජනතාව වෙනුවෙන් තිබෙනවා. ඒ හේතුවෙන් ජනතාවට සේවය කරන ලෙස රාජ්‍ය සේවකයින්ගනේ ඉල්ලා සිටිනවා. ඉදිරි වසර තුන තුළ වගකීමෙන් කටයුතු කරන්න ලෙස ඉල්ලා සිටින බව ද ජනාධිපති ගෝඨාභය රාජපක්ෂ මහතා කියා සිටියේය.
රජයේ දේශපාලන සහ සංවර්ධන වැඩපිළිවෙළ පිළිබඳව දැනුවත් කිරීම සඳහා අනුරාධපුර සල්ගාදු ක්‍රීඩාංගණයේදී අද (9) පස්වරුවේ පැවැති රැළියේ දී ජනාධිපති ගෝඨාභය රාජපක්ෂ මහතා මේ බව පැවැසීය.