පවතින ආර්ථික ගැටලුවලට විසඳුම් සෙවීම සඳහා ජාත්‍යන්තර මූල්‍ය අරමුදල සමග කිසියම් වූ වැඩපිළිවෙලකට යාමට රජය සාකච්ඡා අරඹා ඇතැයි මුදල් අමාත්‍ය බැසිල් රාජපක්ෂ මහතා පැවසීය.
ඔහු මේ බව සඳහන් කර ඇත්තේ ලන්ඩන්හි ෆයිනෑන්ෂල් ටයිම්ස් සඟරාව සමග පැවති සම්මුඛ සාකච්ඡාවකදීය.
ශ්‍රී ලංකාවේ වත්මන් ආර්ථික තත්ත්වය සම්බන්ධයෙන් ඔහු මෙම සම්මුඛ සාකච්ඡාව ලබාදී ඇත.
ශ්‍රී ලංකාවට මේ වසරේ ඩොලර් බිලියන 6.9ක ණය ගෙවීම ඉතා දුෂ්කර බවත් ඖෂධ, අමුද්‍රව්‍ය, ඉන්ධන ඇතුළු සියල්ල සඳහා මුදල් සොයාගැනීමට සිදුවන බවත් මුදල් අමාත්‍යවරයා එහිදී ප්‍රකාශ කර ඇත .