බොරැල්ල ආනන්ද රාජකරුණා මාවතේ පිහිටි සියලු සාන්තුවරයන්ගේ දේවස්ථානයේ තිබී හමුවූ අත්බෝම්බය තැබූ පුද්ගලයා අත් බෝම්බය තැබූ දිනට පෙර දින ඔත්තු බැලීම සදහා එම දේවස්ථානයට පැමිණ ඇති බවට සී සී ටී වී දර්ශනවල සටහන්ව ඇතැයි රක්ෂිත භාරයේ සිටි දේවස්ථානයේ සන්ක්‍රිස්තියන්වරයා වෙනුවෙන් අධිකරණයේ පෙනී සිටි ජනාධිපති නිතීඥ රියෙන්සි අර්සකුලරත්න මහතා අධිකරණයේදී අද (25) සඳහන් කළේය.
එමෙන්ම මෙම සිද්ධිය සම්බන්ධයෙන් කොළඹ අපරාධ කෙට්ඨාසයෙන් සිදුකරන විමර්ශන සම්බන්ධයෙන් සෑහීමකට පත්විය නොහැකි බවත් ඒ හේතුවෙන් එය එම කොට්ඨාසයේ ඉවත් කර අපරාධ පරීක්ෂණ දෙපාර්තමේන්තුවට භාරදෙන ලෙසට නියෝගයක් නිකුත් කරන ලෙසත් ජනාධිපති නිතීඥවරයා අධිකරණයෙන් ඉල්ලීමක් කළේය.
මෙම සිද්ධියට අදාළ මහෙස්ත්‍රාත් පරීක්ෂණය කොළඹ අතිරේක මහේස්ත්‍රාත් රජීන්ද්‍රා ජයසූරිය මහත්මිය ඉදිරියේ අද (25) යළි කැදවූ අවස්ථාවේදී මෙම කරුණු ඉදිරිපත් විණී.