ජනාධිපතිවරයාගේ රාජාසන කතාව සම්බන්ධයෙන් දින දෙකක විවාදයක් ලබා දෙන්නැයි විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා කතානායකවරයාගෙන් අද ඉල්ලීමක් කළේය.
ජනාධිපතිවරයාගේ රාජාසන කතාව පැවැත්වීමට නියමිතව ඇත්තේ ලබන 18 වැනිදාය.
මෙම රාජාසන කතාව සම්බන්ධයෙන් 19 සහ 20 යන දෙදින තුළ සභාව කල් තබන අවස්ථාවේ විවාදයක් ලබා දෙන ලෙස කිරිඇල්ල මහතා කතානායකවරයාගෙන් මේ අනුව ඉල්ලා ඇත.
වාරාවසාන කෙරුණු පාර්ලිමේන්තුව ජනාධිපති වරයාගේ ප්‍රධානත්වයෙන් ලබන 18 වෙනිදා යළි විවෘත කෙරෙන අතර ජනාධිපතිවරයා රාජාසන කතාව පවත්වන්නේ ඉන් අනතුරුවය.