ශ්‍රීලංකා ක්‍රිකට් ආයතනය විසින් මෙරට සියලුම ජාතික ක්‍රිකට් කණ්ඩායම් සඳහා නව තේරීම් කමිටුවක් පත් කර තිබේ.
හත් දෙනෙකුගෙන් සමන්විත මෙම තේරීම් කමිටුවේ සභාපතිවරයා ලෙස අසන්ත ද මැල් කටයුතු කරන අතර සෙසු සාමාජික සාමාජිකාවන් වන්නේ රන්ජිත් මදුරුසිංහ , උවයිස් කරනයින් , චමින්ද මෙන්ඩිස් , හේමන්ත දේවප්‍රිය ,ප්‍රමෝද්‍ය වික්‍රමසිංහ සහ නිල්මිණි ගුණරතන යන පිරිසය.
පිරිමි හා කාන්ත ක්‍රිකට් කණ්ඩායම් , කනිෂ්ඨ ක්‍රිකට් කණ්ඩායම් හා වයස 19 න් පහල ක්‍රිකට් කණ්ඩායම ඇතුළු සියලු ක්‍රිකට් කණ්ඩායම් සඳහා තේරීම් කටයුතු මෙම නව කමිටුවට භාරදී තිබේ.