දැනට ක්‍රියාත්මක පළාත් අතර සංචරණ සීමා ලබන 21 වැනිදා බ්‍රහස්පතින්දා දක්වා දැඩිව ක්‍රියාත්මක කිරීමට ජනාධිපති ගෝඨාභය රාජපක්ෂ මහතා උපදෙස් ලබාදී තිබේ.
ලබන 19 සහ 20 දිනවල යෙදී ඇති නිවාඩු දින සමග දීර්ඝ නිවාඩු සති අන්තයක් යෙදී ඇති හෙයින් සියලුම පළාත් මායිම්වලදී ගමනාගමන කටයුතු දැඩිව පරීක්ෂාවට ලක් කරන ලෙසටද ජනාධිපතිවරයා ආරක්ෂක අංශ ප්‍රධානීන්ට වැඩිදුරටත් උපදෙස්දී ඇත.
ජනාධිපතිවරයා මෙසේ උපදෙස් ලබාදී ඇත්තේ කොවිඩ් මර්දන කමිටු රැස්වීමේදීය.
මෙම රැස්වීම වීඩියෝ තාක්ෂණය ඔස්සේ පැවැත්විණ.