තෙදින නිල සංචාරයක් සඳහා ශ්‍රී ලංකාවට පැමිණි ඉන්දීය විදේශ අමාත්‍යාංශයේ ලේකම් ශ්‍රී හර්ෂ් වර්ධන් ෂ්‍රිංග්ලා මහතා මහනුවරට ශ්‍රී දළදා මාලිගාවට පැමිණ දළදා සමිඳුන් වැද පුදා ගනිමින් ආශීර්වාද ලබාගත්තේ ය.
මෙරට සංචාරය නිල වශයෙන් ආරම්භ කිරීම සඳහා ඉන්දීය විදේශ අමාත්‍යාංශ ලේකම්වරයා මහනුවරට පැමිණ ශ්‍රී දළදා වහන්සේගේ ආශීර්වාද ලබාගත්තේ ය.
ඉන්දීය විදේශ අමාත්‍යාංශ ලේකම්වරයා ඉන්දු-ලංකා දෙරටේ ජනතාවගේ සුබ සිද්ධිය සහ සෞභාග්‍යය මෙන්ම දෙරටේ ජනතාව අතර සියවස් ගණනාවක් මුළුල්ලේ පවතින බැඳීම් තවදුරටත් ශක්තිමත් වේවා යි ප්‍රාර්ථනා කළ බව මෙරට ඉන්දීය මහ කොමසාරිස් කාර්යාලය ට්විටර් පණිවුඩයක් නිකුත් කරමින් සඳහන් කර තිබිණි.
මෙම අවස්ථාවට ශ්‍රී දළදා මාලිගාවේ දියවඩන නිලමේ ප්‍රදීප් නිලංග දෑල මහතා ඇතුළු පිරිසක් ද එක්ව සිටියහ.