නව ව්‍යාපාර හා ව්‍යවසායකයන් මිලියනයක් බිහි කරන බවත් ඔවුන් ප්‍රාග්ධනය ලබා දී සහන ලබා දී පවතින ව්‍යාපාර රැකගන්නා අතරතුර නව ව්‍යාපාර බිහි කළ යුතු බව විපක්ෂ නායකවරයා පවසයි.
මේ වන විට ඇති නව ප්‍රවණතාව වන්නේ දළ දේශීය නිෂ්පාදනය වැඩි දායකත්වයක් දෙන්නේ ක්ෂුද්‍ර කුඩා හා මධ්‍ය පරිමාණ ව්‍යාපාරිකයන් බවත් ඔවුන් දස ලක්ෂ ගණන් රැකියා ලබා දෙමින් දළ දේශීය නිෂ්පාදනයට 50%කට වැඩි දායකත්වයක් ලබා දෙන බවයි විපක්ෂ නායක සජිත් ප්‍රේමදාස පවසන්නේ.
රටක් ලෙස පැතිකඩ ගණනාවකින් ආර්ථික වර්ධනය ක්‍රියාත්මක කළ යුතු බවත් සේවා, සංචාරක, කෘෂිකර්මාන්තය, නිෂ්පාදනය ආදී ආර්ථික ක්‍රියාදාම ගණනාවක් ආර්ථික වර්ධනයට හේතුවන බව ඔහු අවදාරණය කරන්නේ.
ගම්පහ කටාන මිනුවන්ගොඩ හීනටියන ධම්මාලෝක මහා විද්‍යාලයට සක්වල සුහුරු පන්ති කාමර ලබා දීමේ වැඩසටහනේ 337 වැනි අදියර යටතේ රුපියල් 1,177,000ක් සුහුරු පන්ති කාමර උපකරණ සහ ශබ්දකෝෂ රැසක් පරිත්‍යාග කිරීමේ අවස්ථාවට එක්වු විපක්ෂ නායකවරයා මේ බව කියා සිටියේය.
රටක දියුණුව පදනම් වන්නේ රටේ ආර්ථික වර්ධනය මත බවත් රටේ ආර්ථික වර්ධනය කරන්නේ කෘෂිකර්මාන්තය, කර්මාන්ත හා සේවා බවත් රටකට නිෂ්පාදනය චක්‍රයක් ඇති බවත් එක්තරා කාලයක් ඇගලුම් කර්මාන්තශාලා මූලික කර ගෙන මෙය ක්‍රියාත්මක වූ බව ද විපක්ෂ නායක සජිත් ප්‍රේමදාස වැඩිදුරටත් කියා සිටියේය.