Tesla, SpaceX හි ප්‍රධාන විධායක නිලධාරී Elon Musk එහි Starlink අන්තර්ජාල සේවා ක්‍රියාත්මක කිරීම සඳහා ශ්‍රී ලංකාව වෙත යොමුවීමත් සමග මෙරට INTERNET හා ජංගම දුරකථන සමාගම් දැඩි කලබලයට පත්ව සිටිති.
මෙය සිදුවන්නේ Elon Musk පසුගියදා සිය ඉන්දීය සංචාරය අවලංගු කර ඒ වෙනුවට චීනයේ සහ ඉන්දුනීසියාවේ සංචාරය කළේය. මෑතකදී ඉන්දුනීසියාවේ බාලි හි පැවති 10 වැනි ලෝක ජල සමුළුවේදී Elon Musk ශ්‍රී ලංකා ජනාධිපති රනිල් වික්‍රමසිංහ හමුවූ අතර Starlink සේවාවන් සඳහා ඇති අවස්ථා සම්බන්ධයෙන් සාකච්ඡා කර තිබේ.
ශ්‍රී ලංකාවේ ආයෝජන සඳහා ජනාධිපතිවරයා සහ Elon Musk සාකච්ඡා කළහ.
අප්‍රේල් 20-අප්‍රේල් 22 ඉන්දියාවේදී මස්ක් ඉන්දියාවේ සංචාරය කිරීමට නියමිතව තිබුනද අවසන් මොහොතේ එය අවලංගු විය.
Elon Musk හට ශ්‍රීලංකාව තුල සිය ව්‍යාපාර ඉක්මනින් ආරම්භ කරන්නට ඉඩ සැලසෙන්නේ නම් රැහැන් රහිත වේගවත් අන්තර් ජාල පහසුකම් අඩු වියදමින් හිමිකර ගැනීමට ශ්‍රීලාංකික ජනතාවට අවස්ථාව ලැබේ. මේ වන විට අන්තර ජාල හා ජංගම දුරකථන සේවා පහසුකම් සපයන සමාගම් සේවා පහසුකම් නිසි පරිදි නොසැපයීම හා අධික ගාස්තු අයකිරීම නිසා ජනතාව දැඩි දුෂ්කරතාවයන්ට පත්ව සිටිති.Starlink අන්තර්ජාල සේවා ක්‍රියාත්මක වුවහොත් ශ්‍රීලාංකික ජනතාවට අඩුවියදම් හා වේගවත් අන්තර් ජාල පහසුකම් ලබා ගැනීමට අවස්ථාව ලැබෙනු ඇත.