ජ්‍යෙෂ්ඨ පුරවැසි ගිණුම් අහෝසි කිරීම නිසා පොලි ආදායම නොලැබීමෙන් තමන් කබලෙන් ළිපට වැටී ඇතැයි එම පුරවැසියෝ සදහන් කරති.
ජ්‍යෙෂ්ඨ පුරවැසි ගිණුම්වලට කලින් සියයට 15 ක පොලී අනුපාතයක් ලැබුණු අතර මේ වන විට ලැබෙන්නේ සියයට 8 කටත් අඩු පොලි අනුපාතයක් බව ද ජ්‍යෙෂ්ඨ පුරවැසියෝ කියති.
පොලි ආදායම අඩුවීම හේතුවෙන් තමන්ට අවශ්‍ය ඖෂධ මිලදී ගැනීමට, එදිනෙදා කටයුතු කරගැනීමට නොහැකි තත්වයක් උද්ගතව ඇතැයිද ඔවුහු පවසති.
ජ්‍යෙෂ්ඨ පුරවැසියන්ගේ ඉතිරි කිරීම් තැන්පතුවලට කලින් ලබාදුන් සියයට 15ක වාර්ෂික පොලි අනුපාතය නැවත ලබාදෙන්නැයි බලධාරීන්ගෙන් ඉල්ලා සිටින බව ද ඔවුහු පවසති.