සමගි ජන බලවේග පක්ෂයේ සභාපති පාර්ලිමේන්තු මන්ත්‍රී ෆිල්ඩ් මාෂල් සරත් ෆොන්සේකා මහතාට එරෙහිව විනය ක්‍රියාමාර්ග වහා ක්‍රියාත්මක කරන්නැයි එම පක්ෂයේ ආසන සංවිධායකවරුන් පක්ෂයේ නායක හා විපක්ෂ නායක සජිත් ප්‍රේමදාස මහතාගෙන් ඉල්ලා තිබේ.
පක්ෂයේ ආසන සංවිධායකයින් සමඟ පක්ෂ නායකයා අන්තර්ජාලය ඔස්සේ පැවති සහ සාකච්ඡාවකදී මෙම ඉල්ලීම කර තිබේ.
ෆොන්සේකා මහතා දිගින් දිගටම පක්ෂයේ සභාපතිවරයා ලෙස සිටිමින් පක්ෂය හා පක්ෂ නායකත්වය විවේචනය කිරීම පිළිබඳව විනය කමිටුවට කැඳවා ක්‍රියාමාර්ග ගත යුතු බව ඔවුන් ඉල්ලා ඇත.
මෙම සාකච්ඡාවට පක්ෂ මහලේකම් ඇතුළු ඉහළ නිලධාරීන් පිරිසද සහභාගි වී තිබේ.