සෞඛ්‍ය සේවයේ සමගිය බිඳීමට සැලසුම් සහගත වැඩ පිළිවෙලක් ක්‍රියාත්මක වන බවත් සෞඛ්‍ය එම සැලැස්මේ අරමුණ සෞඛ්‍ය බලධාරීන්ගේ හොරකම් වසා ගැනීම බවත් පරිපූරක වෛද්‍ය වෘත්තීයවේදීන්ගේ ඒකාබද්ධ බලමණ්ඩලයේ සභාපති රවී කුමුදේෂ් මහතා අද (10) පැවසීය.
සෞඛ්‍ය සේවයේ එක පාර්ශවයකට පමණක් වැඩි සැළකිල්ලක් දැක්වීමෙන් සෞඛ්‍ය සේවයේ වෘත්තීන් අතර සැළසුම් සහගතව අර්බුදයක් නිර්මාණය කිරීමේ උත්සහයක් ඇති බවත් සෞඛ්‍ය ඇමතිවරයා වෛද්‍ය නිලධාරියෙක් වීම නිසා අමාත්‍ය මණ්ඩලය තුළ ඔහුගේ මැදිහත්වීම පක්ෂග්‍රාහි වන බවත් කුමුදේෂ් මහතා කීය.
දේශපාලන කොන්ත්‍රාත් ගන්න ඇතැම් අයගේ හැසිරීම වෛද්‍යවරුන්ට පමණක් සැළකිල්ලක් දැක්වීමෙන් තහවුරු බව කී ඒ මහතා එක පැත්තකින් සෞඛ්‍ය සේවාවේ වෘත්තීන් අතර සමගිය, විවිධ කාර්යමණ්ඩලවල ගෞරවය කෙලෙසන ප්‍රකාශණ සිදු කිරීම සහ ඒවාට විශාල ප්‍රවෘත්තිමය වටිනාකමක් දීමත් එම කුමන්ත්‍රණයේ කොටසක්ම බව ද සඳහන් කළේය