එළඹෙන උත්සව සමය වෙනුවෙන් කීරි සම්බා සහල් වර්ගයට සමාන සහල් තොගයක් ආනයනය කිරීමට පියවර ගන්නා බව වෙළෙඳ වාණිජ හා ආහාර සුරක්ෂිතතා අමාත්‍ය නලින් ප්‍රනාන්දු මහතා පැවසීය.
රටේ මහා පරිමාණ වී මෝල් හිමියන් වෙළඳපොළට කීරි සම්බා සහල් තොග නිකුත් නොකර සඟවා තැබීමෙන් කීරි සම්බා සහ සම්බා සහල් හිඟයක් කෘතිමව නිර්මාණයවී ඇති හෙයින් එම හිඟය වැළැක්වීම සඳහා මෙම පියවර ගන්නා බවද ඔහු සඳහන් කළේය.
මේ අතර උත්සව සමය වෙනුවෙන් අත්‍යවශ්‍ය ආහාර ද්‍රව්‍ය ඇතුළු භාණ්ඩ 400 කට ආසන්න ප්‍රමාණයක මිල අඩු කිරීමට ලංකා සතොස තීරණය කර ඇති බවද නලින් ප්‍රනාන්දු මහතා පැවසීය.
අමාත්‍යවරයා මෙසේ පැවසුවේ පාර්ලිමේන්තුවේදී පසුගිය 22 වැනිදා පැවැති එම අමාත්‍යාංශයීය උපදේශක කාරක සභා රැස්වීමේදීය.