නොරොච්චෝලේ ලක්විජය තාප බලාගාරයේ දෙවන ජනන යන්ත්‍රයේ අධි පීඩක හීටර් පද්ධතියේ ඇතිවූ හදිසි බිඳවැටුම නිසා එම ජනන යන්ත්‍රය ක්‍රියා විරහිත කළ බවත් බලාගාරයේ කාර්ය මණ්ඩලය මෙම හදිසි බිඳවැටීම යථාතත්වයට පත්කිරීම සඳහා අවශ්‍ය මූලික කටයුතු මේ වන විටත් ආරම්භ කර ඇති බවක් විදුලිබල මණ්ඩලය උසස් නිලධාරියෙක් පැවැසීය.
මෙම බලාගාරයේ තෙවන ජනන යන්ත්‍රයේ ප්‍රධාන නඩත්තු කටයුතු අවසන් කර ඇති අතර මේ වන විට එහි පරීක්ෂණ ධාවන කටයුතු ක්‍රියාත්මක කර ඇති බව කී එම නිලධාරියා ඒ අනුව මෙම තෙවන ජනන යන්ත්‍රය ඉතා ඉක්මනින් විදුලිය නිෂ්පාදනය සඳහා යොමු කිරීමට හැකි වනු ඇතැයිද සඳහන් කළේය.
මෙම හේතු නිසා විදුලිබල සැපයුමට බාධාවක් නොවන අතර මෙම නඩත්තු කාලය තුල උපරිම ලෙස ජල විදුලි නිෂ්පාදනය සිදුකරමින් අඛණ්ඩව විදුලිය සැපයීමට කටයුතු කරන බවත් වැඩිදුරටත් සඳහන් කළේය.
මේ අතර නඩත්තු කටයුතුතක් සඳහා කැලණිතිස්ස විදුලි බලාගාරය සති හයකට වසා තැබිමට පියවර ගන්නා බව විදුලි බල මණ්ඩල වාර්තා සඳහන් කරයි.
ගෑස්සහ වාෂ්ප ටර්බයිනයේ නඩත්තු කටයුතුසඳහා එසේ වසා තැබෙනු ඇති.