උදුවප් පුන් පොහෝ දින මල් කඩාගෙන පන්සල් යාම සදහා ටිකට් පතක් නොගෙන දුම්රියෙන් අංගම්පිටියේ සිට පාදුක්කට ගමන් ගත් 70 හැවිරිදි වයෝවෘද්ධ මවකට රුපියල් රුපියල් 40 ක ටිකට්පත් වෙනුවෙන් පාදුක්ක දුමිරිය ස්ථානාධිපතිවරයා නිකුත් කර තිබු රුපියල 3600 ක දඩ මුදල පාදුක්ක පොලිසිය ගෙවා දමා එම වයෝවෘද්ධ කාන්තාව මුදාහැර හැරියේය.
මෙම කාන්නාතව අද පෙරවරුවේ පාදුක්ක අංගම්පිටියේ සිට දුමිරිය ස්ථාන දෙකක දුරින් පිහිටි පාදුක්ක දුම්රිය ස්ථානයට පැමිණ ඇති අතර පාදුක්ක දුමිරිය ස්ථානයේ එහි සිටි නිලධාරීන් කාන්තාව විකට්පතක් නොගෙන දුමිරියේ ගමන් කිරීම වරදට ඔවුන්ගේ බාරයට ගෙන ඇති බව පොලිස් ආරංචි මාර්ග පවසයි.
මෙම කාන්තාව ටිකට් පතේ වටිනාකම රුපියල් 40. ක් වුවද , ටිකට් ගැනීමට මුදල් නොමැති නිසා ටිකට්පතක් නොගෙන දුමිරියෙන් පැමිණ බවට ඇය දැනුම් දී ඇත.
ටිකට් පතක් නොමැතිව දුම්රියේ ගමන් ගත් වරදට පාදුක්ක ස්ථානාධිපතිවරයා විසින් මෙම කාන්තාවට රුපියල් 3600 දඩ පත්‍රිකාවක් ලබා දී ඇති අතර එහි දී ඇය නිලධාරීන් සමග බහින් බස්වීමක නිරත වී ඇති බවද දුමිරිය නිලධාරීන් පොලිසියට පවසා ඇත.
දඩකොළය ලබාදුන් දුම්රිය ස්ථානාධිපතිවරයා සිද්ධිය පාදුක්ක පොලිසියට දැනුම් දී වයෝවෘද්ධ කාන්තාව අධිකරණයට ඉදිරිපත් කරන ලෙසට ද දැනුම් දී පොලිසියට බාර දුන් බව පොලිස් ආරංචි මාර්ග පවසයි.
පොලිස් නිලධාරීන් බාරයට ගත් මෙම වියෝවෘද්ධ මවට පොලිස් ස්ථානාධිපතිවරයා ඇතුලු එහි නිලධාරී ආහාර පානවලින් සංග්‍රහ කර ඇති අතර, ඇය ට නිකුත් කර තිබු රුපියල් 3600 ක දඩ මුදල පොලිස් නිලධාරීන් විසින් මුදල් එකතුකර ගෙවා දමා ඇත.
මුදල් නොමැතිව සිටි ඇයට මුදල් ද ලබා පොලිස් නිලධාරීන් මුදල් ද ලබා දී ඇත.
පොහෝ දිනයෙන් ආහාර පවා නොමැතිව කුසගින්නේ සිටි තමන්ට ආහාර වලින් සංග්‍රහකර, ඇය වෙනුවෙන් නිකුත් කර තිබු දඩ පත්‍රිකාවට ගෙවා දැමීමට ඉදිරිපත් වු ස්ථානාධිපතිවරයා ඇතුලු සියලු පොලිස් නිලධාරීන්ට ස්තූතිය පුදකර කාන්තාව පොලිස් ස්ථානයෙන් පිටත්ව ගොස් ඇත.