ගෑස් මිල ඉහළ යෑමේ පීඩනය ජනතාව දරාගන්නේ නම් රාජ්‍ය ආයතනයක් වන ලිට්‍රෝ සමාගමේ උසස් නිල දරමින් සුපිරි වැටුප් ලබන නිලධාරීන් ද කැපකිරීමක් කළ යුතු බවත් ඒ සඳහා එම සමාගමේ නිලධාරින්ට බලකිරීමට බලාපොරොත්තු වන බවත් සමස්ත ලංකා ආපනශාලා හිමියන්ගේ සංගමයේ සභාපති අසේල බණ්ඩාර මහතා පැවසීය.
ලිට්‍රෝ ගෑස් සමාගමේ ප්‍රධානිිිිියකුට මාසිකව රුපියල් ලක්ෂ 30 වැනි ඉතාම විශාල වැටුපක් ලබන බවට දැනගන්නට ලැබී ඇති බවත් එවැනි වැටුපක් ලබන්නේ නම් එහි කිසිඳු සාධාරණයක් නොමැති බවත් අසේල මහතා කීය.
මෙම සුපිරි වැටුප්වලට එරෙහිව විරෝධය දැක්වීමට ලිට්‍රෝ සමාගමට එන බව ද අසේල බණ්ඩාර මහතා වැඩි දුරටත් සඳහන් කළේය.