අගමැති මහින්ද රාජපක්ෂ මහතාගේ නායකත්වයෙන් ආණ්ඩුවේ කටයුතු ඉදිරියට පවත්වාගෙන යාමට ආණ්ඩු පක්ෂ මන්ත්‍රී කණ්ඩායම තීරණය කර ඇත
ඒ සඳහා වන යෝජනාවක් පාර්ලිමේන්තු සන්කීර්ණයේ ඊයේ(21) පැවති ආණ්ඩු පක්ෂ රැස්වීමේදී සම්මත වී තිබේ .
මේ අවස්ථාවේ ආණ්ඩුවේ සියලු දෙනා එකට සිටිමින්, අර්බුදයට විසඳුම් සෙවිය යුතු බවද මන්ත්‍රී වරුන් පෙන්වා දී ඇත.
කවුරුන් ස්වාධීන වුණත් මිනිසුන්ගෙන් කන්න වුණොත් කන්න වෙන්නේ එකටම බවත්, ඒ නිසා සියලු දෙනාම,මත ගැටුම් පසෙක තබා එක්ව කටයුතු කළ යුතු බවත් ,එම මන්ත්‍රීවරුන් පෙන්වා දී ඇත.
ගෑස් , විදුලිය ඉන්ධන අර්බුදය විසඳීම සඳහා ආණ්ඩුව වහාම පියවර ගත යුතු බවත්,එම ගැටලු නොවිසදා විරෝධතා නතර කළ නොහැකි බවත්, ඔවුන් පෙන්වා දී ඇත.
මතුව ඇති අර්බුදවලට එක්ව මුහුණ දදිය නොහැකි නම්, විපක්ෂයට යාම වඩාත් සුදුසු බව ද මන්ත්‍රීවරුන් කිහිපදෙනෙකු පෙන්වා දි ඇත .
මේ අතර,ඇමතිධුරවලින් ඉවත්ව ,වෙනත් පිරිසකට අවස්ථාව ලබාදීම සම්බන්ධයෙන් හිටපු ඇමතිවරුන්ට ස්තුතිය පළ කිරමේ යෝජනාවක් ද එම රැස්වීමේ දී අනුමත වී ඇත.