ජනාධිපතිවරයාට සහ ආණ්ඩුවට එරෙහිව විශ්වාසභංගයක් සහ දෝෂාභියෝගයක් ගෙන ඒමට සූදානම් බව ගම්පහ දිස්ත්‍රික් මන්ත්‍රී‍විජිත හේරත් මහතා පාර්ලිමේන්තුවේදී අද (8) පැවසීය.
ඔහු මෙසේ පැවසුවේ ජාත්‍යන්තර මූල්‍ය අරමුදල ශ්‍රී ලංකාව සම්බන්ධයෙන් නිකුත් කර ඇති වාර්තාව සම්බන්ධයෙන් පැවති සභාව කල්තබන අවස්ථාවේ විවාදයේදීය.
ජනාධිපතිවරයාට එරෙහිව දෝෂාභියෝගයක් ගෙන ඒමට සියල්ල සූදානම් බව පැවසූ හේරත් මහතා ආණ්ඩුවට එරෙහි විශ්වාසභංගයක් වෙනුවෙන් හිට ගන්නා බවද සඳහන් කළේය. දේශපාලන අර්බුදයට විසඳුම් නැතිව ආර්ථික අර්බුදයට උත්තර සෙවිය නොහැකි බවද මන්ත්‍රීවරයා ප්‍රකාශ කළේය.
ජනාධිපතිවරයා අද කටයුතු කරන්නේ ප්‍රකෘති මනසකින් නොවන බව පැවසූ විජිත හේරත් මහතා ප්‍රකෘති මනසක් තිබේ නම් මේ ආකාරයට කටයුතු නොකරන බවද සඳහන් කළේය.