සිවුරු පොරවා ගත් ශ්‍රමණ වෙිශධාරීන්ගෙන් සාසනය පිරී පවතින බැවින් ශාසනය රැකගැනීම සඳහා මහනාහිමිවරුන් වහා ඉදිරිපත් විය යුතුව ඇතැයි දක්ෂිණ ලංකාවේ ප්‍රධාන සංඝ නායක ආචාර්ය ඕමල්පේ සෝභිත නාහිමියෝ පැවසූහ.
දාමරිකකම් කරන ශ්‍රමණ වෙිෂධාරීන් නිසා ගෞරවනීය ලෙස සිවුරු පොරවාගෙන ඉන්නටත් නොහැකි තත්ත්වයක් උද්ගත වී තිබෙන බව කී සෝභිත නාහිමියෝ මේ නිසා ශාසනයට කුල දරුවන් ඇතුලත් කිරීම ද මවුපියන් විසින් ප්‍රතික්ෂේප කරමින් සිටින බවද සඳහන් කළහ.
ආණ්ඩුව සමඟ සබඳතා නැත්තේ මහනාහිමිවරුන්ට බැවින් උන් වහන්සේලාට පහසුවෙන්ම මේ ප්‍රශ්න විසඳීමට හැකි බවද සෝභිත නාහිමියෝ කීහ. මහනාහිමිවරුන් නායක කම් ලබාගන්නට දරන උත්සාහය සාසනය රකින්නට දක්වන්නේ නැත්තේ ඇයිද යන ප්‍රශ්නය අහන්නට සිදුවී තිබෙන බවද කොළඹ 7 ශාන්ති පදනමෙි පැවති මාධ්‍ය හමුවකදී සෝභිත නාහිමියෝ පැවසූහ.