රජයේ සේවකයන් සහ විශ්‍රාමිකයන් සඳහා ගෙවනු ලබන රුපියල් පන්දහසේ මාසික සහන දීමනාව පෞද්ගලික අංශයේ සේවකයන්ට ද ලබාදීම සඳහා කම්කරු ඇමැති නිමල් සිරිපාල ද සිල්වා මහතා රජයෙන් උපදෙස් ඉල්ලා ඇත .
ඊට අදාළව ඇමතිවරයා විසින් කැබිනට් මණ්ඩලයට යෝජනාවක් ද ඉදිරිපත් කරනු ලැබ ඇතැයි රජයේ ආරංචි මාර්ග සඳහන් කරයි .
එම දීමනාව ලබාදීම සම්බන්ධයෙන් පෞද්ගලික අංශයේ වෘත්තීය සමිති නියෝජිතයන් හා හාම්පුතුන් සමග තමා දිගින් දිගටම සාකච්ඡා කළ බව ද ඇමතිවරයා පෙන්වා දී ඇත .
එම දීමනාව ලබා දීමට පෞද්ගලික අංශයේ වෘත්තීය සමිති එකඟතාව පළ කර ඇති නමුත් ,පුද්ගලික අංශයේ හාම්පුතුන් ඊට එකඟතාව පළකර නැතැයිද ඇමැතිවරයා කැබිනට් මණ්ඩලයට දැනුම් දී ඇත .