ජනමතයක් නොමැතිව බලයේ ඉන්න උත්සහ කළොත් ජනතාව වෙනුවෙන් පාරට බහින බව සමගි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා පවසයි.
ජනාධිපතිතුමාගේ ධූර කාලය වසර 2 කින් දීර්ඝ කිරීම සම්බන්ධයෙන් ඩයනා ගමගේ මන්ත්‍රීවරිය ගෙන ආ යෝජනාව සම්බන්ධයෙන් මාධ්‍යවේදීන් නැගූ පැනයකට පිළිතුරු ලබාදෙමින් ඒ මහතා මේ බව සදහන් කලේය.
මම දන්නේ නැහැ මේ යෝජනාව කරන්නේ කාගේ වුවමනාවටද කියලා. හැබැයි ජනාධිපතිතුමාත් මේ සම්බන්ධයෙන් ඉඟි පළ කළා. එතුමට අවුරුදු දෙකක් වැඩ කරන්න බැරි වුණාලු.දැන් වැඩ කරන්න අලුතෙන් පටන් ගන්නවලු . 1970 සිරිමාවෝ බණ්ඩාරනායක මැතිනියට බලය දුන්නෙ අවුරුදු පහයි. එතුමිය1977 වනතුරු ජනවරමක් නැතුව බලයේ ඉන්න ගිහින් සිද්ධවුනේ ශ්‍රීලංකා නිදහස් පක්ෂය ඉතිහාසයේ පහළටම වැටුනා. ඒක දන්නවනම් කවුරුත් ඔහොම කතා කියන්නේ නැහැ.
හැබැයි ජනමතයක් නැතිව මේ රටේ කාටවත් ආණ්ඩු කරන්න ජනතාව ජනවරමක් දීල නැ. ඒකට එරෙහිව ක්‍රියාකරන්න සමගි ජනබලවේගය ඇතුළු විපක්ෂය සූදානම්. ජනතාව කියන්නේ ඔවුන්ට ආණ්ඩු කරන්න කියලා නෙවෙයි. ජනතාවට සහන දෙන්න කියලා . එහෙම වුනොත් ඒකට විරුද්ධත්වය පල කරන්න පාරට බහින්න අපි සූදානම්.
මේක හරියට නටන්න බැරි මිනිහට පොළොව ඇදයි කිව්වා වගේ.මහජන වරමක් දුන්නම ඒ නිශ්චිත කාලයෙන් තමන්ගේ වගකීම ඉෂ්ට කරන්න ඕන. ඒ වගකීම ඉෂ්ට කරන්නේ නැතුව, නිදහසට කරුණු කියලා වැඩක් නැහැ.