ශ්‍රී ලංකා ජාතික ක්‍රිකට් කණ්ඩායමේ ‘පුහුණු උපදේශකවරයා’ ලෙස හිටපු ශ්‍රී ලංකා නායකයෙක් මෙන්ම හිටපු සුපිරි පිතිකරු මහේල ජයවර්ධන මහතා පත්කිරීමට තීරණය කළ බව ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා මහතා පැවසීය.
වර්තමාන ලෝක ක්‍රිකට් පිටියේ ඉදිරියෙන්ම සිටින පුහුණුකරුවෙක් වන මහලේ ජයවර්ධන මහතා ලබන ජනවාරි මස 1 වැනිදා සිට වසරක කාලයක් සඳහා එම තනතුරට පත්කරන බවත් ඒ මහතාගේ ක්‍රිකට් අත්දැකීම් ශ්‍රී ලංකා ක්‍රිකට් අනාගතය වෙනුවෙන් ලබාගැනීමට බලාපොරොත්තු වන බවත් ඈෂ්ලි ද සිල්වා මහතා වැඩි දුරටත් පැවසීය.