මෙරට සම්පත් විකිණීමට විරුද්ධව එළැඹෙන 03 වන දා සිදු කරන වෘත්තීය සමිති ක්‍රියාමාර්ගය සම්බන්ධයෙන් ආණ්ඩුව නිසි ප්‍රතිචාර නොදැක්වූ හොත් රට ලොක්ඩවුන් නොව ශට්ඩවුන් කිරීමට කටයුතු කරන බවත් සමගි ජන බලවේගයේ ඒකාබද්ධ වෘත්තීය සමිති මාධ්‍ය ප්‍රකාශක ආනන්ද පාලිත මහතා සඳහන් කරයි.
ආණ්ඩුවට කොන්දක් නැති වුවද වෘත්තීය සමිති වලට කොන්දක් තිබෙන බවද ඒ මහතා සඳහන් කළේය.
විපක්ෂ නායක කාර්යාලයේදී පැවති මාධ්‍ය හමුවකදී හෙතෙම මේ බව පැවසීය.
ජනාධිපතිවරයා විසින් අති විශේෂ ගැසට් නිවේදනයක් නිකුත් කර ඇත්තේ වැඩ වර්ජන වෘත්තීය ක්‍රියාමාර්ගයන් මොට කිරීමට බවත් පැවසූ ඔහු එම බාධක නොතකා තම වෘත්තිය ක්‍රියාමාර්ගය ස්ථිර වශයෙන් ක්‍රියාත්මක කරන බවද සඳහන් කළේය.
තුන් වන දා ආරම්භ කරන වෘත්තීය ක්‍රියාමාර්ගයට රජය ප්‍රතිචාර දක්වන්නේ නැති නම් රට ලොකු ලොක්ඩවුන් නොව ශට්ඩවුන් කරදමන බවද ඔහු තවදුරටත් කියා සිටියේය.