අක්ෂි කාච 38කට සහ තෝරාගත් වෛද්‍ය උපකරණ හතරකට උපරිම සිල්ලර මිලක් නියම කරමින් සෞඛ්‍ය ඇමැති කෙහෙළිය රඹුක්වැල්ල මහතා විසින් ගැසට් නිවේදනයක් නිකුත් කරනු ලැබීය.
සෞඛ්‍ය ඇමැතිවරයා 2015 අංක 15 දරණ ඖෂධ නියාමන අධිකාරියේ පනත මගින් ඔහුට ලැබී ඇති බලතල අනුව ඉකුත් 19 දාතමින් මෙම ගැසට් නිවේදනය නිකුත් කළේය.
රුධිර ග්ලූකෝස් මාපක, රුධිර මාපකවල භාවිතා කරන පරීක්ෂණ තීරු, ලෝහමය වටනේය(bere metal stent) සහ ඖෂධ මුදාහරින වටනේය (drug eluting stent) යන උපකරණ සඳහා මෙසේ උපරිම සිල්ලර මිලක් නියම කර ඇත.