කොරෝනා වසංගතයට මුහුණ දෙන අතර අධ්‍යාපනය දෙන්නට ආණ්ඩුවට වැඩපිළිවෙළක් නැතිකමින් දරුවන් ලක්ෂ 45ක ගේ අනාගතය අඳුරු වෙමින් තිබෙන බව හිටපු අධ්‍යාපන අමාත්‍ය එක්සත් ජාතික පක්ෂ උප නායක අකිල විරාජ් කාරියවසම් මහතා පවසයි.
රජයේ රූපවාහිනී නාලිකා දෙක ඇතුළු සෙසු නාලිකා සම්බන්ධ කරගෙන දවස පුරා අධ්‍යාපන වැඩසටහන් විකාශය කිරීමට කටයුතු කරන්නැයි අධ්‍යාපන අමාත්‍යාංශයෙන් ඉල්ලා සිටින බව කී කාරියවසම් මහතා මේ වන විට වසර එක හමාරක් තිස්සේ දරුවන්ගේ අධ්‍යාපනය ඇනහිට ඇතැයිද තව කොපමණ කලක් ඒ තත්ත්වය පවතී දැයි නොදන්නා බවද සඳහන් කරයි.
එක්සත් ජාතික පක්ෂ ආණ්ඩුව යටතේ දරු පරපුරට ටැබ් පරිගණක දෙන්නට යන විට ඊට විරුද්ධව කටයුතු නොකළා නම් මෙවැනි බරපතළ තත්ත්වයකට මුහුණ දීමට සිදු නොවන බව ද කාරියවසම් මහතා පැවසීය.