කොළඹ නගරයේ රථවාහන තදබදය වැළැක්වීම සඳහා නව රථගාල් 12ක් ඉදිකිරීමේ වැඩපිළිවෙළේ සිවුවෙනි රථ ගාල කොළඹ 11 අබ්දුල් කාදර් මාවතේ ඉදිකිරීම ඇරඹූ බව නාගරික සංවර්ධන හා නිවාස අමාත්‍යාංශය පවසයි.
මේ රථ ගාල ඉදි කිරීම අරඹා ඇත්තේ අගමැති මහින්ද රාජපක්ෂ මහතාගේ උපදෙස් මතය.
කොළඹ කොටුව සහ නාරාහෙන්පිට යන ප්‍රදේශවල රථගාල් තුනක ඉදිකිරීම් කටයුතුද මේ දිනවල සිදුකෙරෙන බව එම අමාත්‍යාංශය වැඩිදුරටත් සඳහන් කරයි.