එක්සත් ජාතික පක්ෂ රජය විසින් හඳුන්වා දී තිබූ ධනාත්මක ප්‍රතිපත්ති අඛණ්ඩව ඉදිරියට ගෙන යාම වත්මන් රජය ප්‍රතික්ෂේප කිරීම නිසා මහජනයාට දරාගත නොහැකි ජීවන වියදමක් පැටවීම සිදුව තිබෙන බව ඉන්ධන මිල වැඩි කිරීම සම්බන්ධයෙන් නිවේදනයක් නිකුත් කරමින් එක්සත් ජාතික පක්ෂය පවසයි.
රජය ඉන්ධන මිල ඉහළ දැමීම ඔවුන්ගේ අසමත් ආර්ථික කළමනාකරණයට එක් උදාහරණයක් බව පවසන එක්සත් ජාතික පක්ෂය මෙය කෙටිකාලයක් තුළ ඔවුන්ගේ ආර්ථික ප්‍රතිපත්තිවල කඩා වැටීමක් බවද සඳහන් කරයි.
එක්සත් ජාතික පක්ෂ ආණ්ඩුව හඳුන්වා දුන් ඉන්ධන මිල සූත්‍රය පොදු ජන පෙරමුණ රජය ප්‍රතික්ෂේප කළද ගෝලීය තෙල් මිල පහත වැටීමෙි වාසිය පාරිභෝගිකයන්ට දීමට වත්මන් ආණ්ඩුව අසමත් වූ බවද එජාපය කියයි.