රටේ ත්‍රස්ත ක්‍රියා සිදුවිය හැකි බවට පැතිර යන ප්‍රචාරවල පදනමක් නොමැති බව ආරක්ෂක ලේකම් ජෙනරාල් කමල් ගුණරත්න මහතා පවසයි.
රටේ ආරක්ෂාව සම්බන්ධයෙන් කිසිදු බියක් ඇති කර නොගන්නැයිද ආරක්ෂක ලේකම්වරයා මහජනතාවගෙන් ඉල්ලීමක් කරයි.
රටේ ආරක්ෂාව මනා ලෙස ස්ථාපනය කර ඇති බවත් ආරක්ෂාව තහවුරු කිරීමට ආරක්ෂක අමාත්‍යාංශය ආරක්ෂක හමුදා සහ නීතිය සම්බන්ධයෙන් ක්‍රියාත්මකවන අනෙකුත් ආයතන දැඩි කැපවීමකින් කටයුතු කරමින් සිටින බවත් ගුණරත්න මහතා ප්‍රකාශ කරයි .
ඇමරිකා එක්සත් ජනපදය ශ්‍රී ලංකාව සම්බන්ධයෙන් නිකුත් කර ඇති හතරවෙනි මට්ටමේ සංචාරක සීමාවල ත්‍රස්ත තර්ජන ගැන සඳහන් වී තිබීම එම ක්‍රියාවලියේ සාමාන්‍ය දෙයක් බව ඔහු වැඩිදුරටත් පැවසීය .