කැස්බෑව සෞඛ්‍යය වෛද්‍ය නිලධාරී කොට්ඨාශ තුල කොරෝනා ආසාදිත මරණ වේගයෙන් ඉහල යමින් පවතින බව එහි සෞඛ්‍ය වෛද්‍ය නිලධාරිනී සමන්තිකා විජේසුන්දර මහත්මිය සඳහන් කරයි.
දැනට එම ප්‍රදේශයෙන් දිනකට කොරෝනා මරණ දෙකක් වාර්තාවන බවත් ඊළඟ සතියේ තවත් ඉහල යනු ඇති බවත් දැනට පවතින තත්ත්වය අනුව දිස්ත්‍රික්කයම ලොක්ඩවුන් කළ ද බේරා ගැනීමට අපහසු තත්ත්වයක් නිර්මාණය වී ඇතැයි ද ඇය කියා සිටියි.
මෙතෙක් එම ප්‍රදේශයේ ආසාදිතයන් වාර්තාවීම අඩුවීමක් පෙන්නුම් නොකරන බවද පවසන ඇය මෙතෙක් සිදුකරන ලද පරීක්ෂණවලින් 30% ක් කොරෝනා ආසාදිතයන් යයි හෙළි වී ඇතැයිද කියා සිටියාය.
කැස්බෑව ලොක්ඩවුන් කිරීම සම්බන්ධයෙන් එම ප්‍රදේශයේ දේශපාලන බලධාරියා වන ගාමිණී ලොකුගේ ඇමතිවරයා සහ සෞඛ්‍ය බලධාරීන් අතර මතබේදාත්මක තත්වයක් උද්ගතවී තිබේ.