ලෝක විවාහක රූ රැජිණ වන කැරොලයින් ජූරි කුරුඳුවත්ත පොලිසිය විසින් අත්අඩංගුවට ගෙන තිබේ.
කොළඹ නෙළුම් පොකුණ රඟහලේදී පැවති ශ්‍රී ලංකා විවාහක රූ රැජන තරගාවලියේ සිදු වූ ගැටුම්කාරී සිදුවීම සම්බන්ධයෙන් ලැබුණු පැමිණිලි මත ඇය අත්අඩංගුවට ගෙන තිබේ.
ඇය සමඟ නිරූපණ ශිල්පිනි චූලා පත්මේන්ද‍්‍රද අත්අඩංගුවට ගෙන ඇත.ප‍්‍රකාශයක් ලබා ගැනීමට පොලිසියට කැඳවනු ලැබීමෙන් පසු මෙම දෙදෙනා අත්අඩංගුවට ගෙන ඇත.
විවාහක රූ රැජිනකට බලහත්කාරකම් කිරීම සහ සුළු තුවාල සිදුකිරීම ඔවුන්ට එරෙහිව ඇති චෝදනා වෙයි.
අත් අඩංගුවට ගත් ලෝක විවාහක රූ රැජින වන කැරොලයින් ජුලි සහ චුලා පත්මේන්ද්‍ර පසුව පොලිස් ඇප මත මුදා හැර තිබේ.
මොවුන් ලබන 19 වැනිදා අධිකරණයට ඉදිරිපත් කිරීමට නියමිතය.