ශ්‍රී ලංකා-බටහිර ඉන්දීය කොදෙව් පළමු ටෙස්ට් ක්‍රිකට් තරගය ජය පරාජයෙන් තොරවෙයි

සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර පැවැත්වෙන පළමු ටෙස්ට් ක්‍රිකට් තරගය ජය පරාජයෙන් තොරව අවසන් විය.
තරගයේ ප්‍රථමයෙන් පන්දුවට පහරදුන් ශ්‍රී ලංකා කණ්ඩායම පළමු ඉනිම සඳහා ලකුණු 169 ක් ලබාගත් අතර ඊට පිළිතුරු වශයෙන් බටහිර ඉන්දීය කොදෙව් කණ්ඩායම ලකුණු 271ක් ලබා ගත්හ.ශ්‍රී ලංකා කණ්ඩායම දෙවන ඉනිම සඳහා ලකුණු 476 ක් ලබාගැනීමට සමත් විය.එහිදී සිය මංගල ටෙස්ට් තරගයට ක්‍රීඩාකළ පැතුම් නිශ්ශංක ලකුණු 103ක් ලබා ගත්තේය.
ඒ අනුව ඔහු මංගල ටෙස්ට් තරගයේදීම ශතකයක් වාර්තා කළ සිව්වන ශ්‍රී ලාංකික ක්‍රීඩකයා බවට පත්විය.ශ්‍රී ලංකා ඉනිම වෙනුවෙන් නිරෝෂන් දික්වැල්ල ලකුණු 96 ක්, ඕෂධ ප්‍රනාන්දු ලකුණු 91 ක්, ළහිරු තිරිමාන්න ලකුණු 76 ක් සහ ධනංජය ද සිල්වා ලකුණු 50 ක් ලබාගැනීමට සමත්විය.
සිය දෙවන ඉනිම ක්‍රීඩා කරමින් බටහිර ඉන්දීය කොදෙව් කණ්ඩායම කඩුලු 4 කට ලකුණු 236 ක් ලබාගත්හ.