ජිනීවාහිදී පැවැත්වෙන එක්සත් ජාතීන්ගේ මානව හිමිකම් කවුන්සිලයේ 46 වන සැසිවාරයේදී ශ්‍රී ලංකාවට එරෙහිව රටවල් කීපයක් ඉදිරිපත් කර ඇති චෝදනා ඇතුලත් යෝජනාවලිය සම්බන්ධයෙන් ඡන්ද විමසීම ලබන සදුදා (22)වැනි දින පැවැත්වීමට නියමිතය.
මේ අතර විදේශ අමාත්‍ය දිනේෂ් ගුණවර්ධන මහතා පවසන්නේ එක්සත් රාජධානිය, කැනඩාව, ජර්මනිය ඇතුළු රටවල් කිහිපයක් එක්ව ශ්‍රී ලංකාවේ මානව හිමිකම් කඩවීම පිළිබඳව ඉදිරිපත් කරන චෝදනා සත්‍ය වසන් කොට දේශපාලන අරමුණක් සඳහා ගෙන ඇති ක්‍රියාමාර්ගයක් බවයි.
ලංකාවට විරුද්ධව ඉදිරිපත් කරන අසත්‍ය චෝදනා පරාජය කිරීමට රජය උත්සාහ ගන්නා බවත් , ඒ සඳහා මිත්‍ර රටවල් රැසක් අප සමඟ අත්වැල් බැඳගෙන සිටින අතරම ඉන්දියාවත් අපේ සහයට ඉදිරිපත් වනු ඇතැයි විශ්වාස කරන බවද විදේශ අමාත්‍යවරයා කියා සිටී.