අයිවරි කෝස්ට් අගමැති හමෙඩ් බකයෝකෝ මිය ගොස් තිබේ. සිය 56 වන උපන්දිනයට දින දෙකකට පසුව අගමැතිවරයා මිය ගොස් ඇත්තේ පිළිකා රෝගයෙනි. ජර්මනියේ ෆ්ර්යිබර්ග් නගරයේ රෝහලක ප්‍රතිකාර ලබමින් සිටියදී අගමැතිවරයා මිය ගොස් තිබේ.
ඔහු එරට ආරක්ෂක ඇමැතිවරයාද විය. අයිවරි කෝස්ට් ජනාධිපති ඇලසෙන් ඔවටාරා ගේ සමීපතමයකු වන අගමැතිවරයා එම පදවියට පත් වුයේ 2020 ජුලි මාසයේදීය. ඒ එරට අගමැතිවරයා වූ අමඩෝ කුලිබාලි ගේ හදිසි අභාවයෙන් පසුවය.
හමෙඩ් බකයෝකෝ ගේ මරණයෙන් හිස්වූ අගමැති ධුරය සඳහා භාරකාර අගමැතිවරයා ලෙස ජනාධිපතිවරයා විසින් සිය කාර්ය මණ්ඩල ප්‍රධානී පැට්‍රික් අචි පත් කර තිබේ.