කොරෝනා වයිරසය ආසාදනය වී සිටින, ශ්‍රී ලංකා මුස්ලිම් කොංග්‍රස් නායක රවුෆ් හකීම් මහතා ආශ්‍රය කළ සමීපතමයන් සෙවීම සඳහා පාර්ලිමේන්තු කාර්ය මණ්ඩලය මේ වන විට පාර්ලිමේන්තුවේ සීසීටීවී දර්ශන විශ්ලේෂණය කරමින් සිටිති.මීට පෙර පාර්ලිමේන්තු මන්ත්‍රී දයාසිරි ජයසේකර මහතාට ද කොරෝනා වයිරසය ආසාදනය වී ඇති බව තහවුරු වූ අතර, ඒ මහතා මේ වනවිට නිරෝධායනය වෙමින් සිටියි.
රවුෆ් හකීම් මන්ත්‍රීවරයා ජනවාරි 5 වැනි දින පාර්ලිමේන්තුවේ පැවති සැසියකට සහභාගී වී තිබේ.
කොරෝනා වයිරසය ආසාදනය වීම හේතුවෙන් තමා නිරෝධායනයට යොමු වූ බවද, තමා සමඟ පසුගිය දින 10ක පමණ කාලය තුළ සමීප සබඳතා පැවැත්වූවන්ට නිසි සෞඛ්‍යාරක්ෂිත ක්‍රම අනුගමනය කරන ලෙස ඉල්ලා සිටින බවද මන්ත්‍රීවරයා සිය ට්විටර් ගිණුමෙහි පළ කර තිබිණි.