සුප්‍රකට ඇමරිකානු නිළියක වන ටාන්යා රොබට්ස් මියගිය බවට ප්‍රචාරය කල ජාත්‍යන්තර මාධ්‍ය රැසකට යලිත් වරක් ඇය ජීවත්වන බවට ප්‍රචාරය කරන්නට සිදුවූ අතර පසුව යලිත් වරක් ඇය සැබවින්ම මියගිය බවද ප්‍රචාරය කරන්නට සිදු විය.
ඒ ලොස් ඇන්ජලීස් හි රෝහලක දැඩි සත්කාර ඒකකයේ ප්‍රතිකාර ලබමින් සිටින ඇය මිය ගිය බවට කිසිවකු විසින් වැරදීමකින් පැවසීමත් සමග එය ලොව පුරා ප්‍රචාරය වීමත් සමගය. කෙසේ වෙතත් පසුව ඇය සැබවින්ම මිය ගොස් තිබේ.
ජේම්ස් බොන්ඩ් චිත්‍රපට මාලාවේ A view to a Kill චිත්‍රපටයේ සහ චාල්ස් ඒන්ජල්ස් පැරණි කතා මාලාවේ ජූලී ලෙස රඟපෑමෙන් ඇය ලෝක ප්‍රසිද්ධියට පත් විය. එසේම ශ්‍රීලංකාව තුල ප්‍රසිද්ධියට පත් SHEENA – Queen of the Jungle වීර කතා මාලාවේ ප්‍රධාන චරිතයද ඇය රඟපෑවාය. විවිධ ප්‍රධාන චරිත රඟපෑ ඇය පසුව වැඩිහිටි චිත්‍රපට ක්ෂේත්‍රයටද පිවිසියාය.
දැනට 65 වන වියෙහි පසුවන ඇය තම බලු සුරතලුන් සමග ඇවිදිමින් සිටියදී හදිසියේම ඇද වැටුනාය. ඇයට කොරෝනා ආසාදනය වී නැති බවට තහවුරු විය.
