මෙරට ජනප්‍රිය ටෙලිනාට්‍ය රංගන ශිල්පීන් ශිල්පිනියන් පිරිසකට කොරෝනා වෛරසය වැලඳී තිබේ.
එක් රංගන ශිල්පියෙකුට කොරෝනා වැළඳී තිබුණද එය නොතකා දිගටම රූගත කිරීම් වල යෙදීසිටීම හේතුවෙන් මෙසේ රංගන ශිල්පීන් පිරිසට කොරෝනා ආසාදනය වී තිබේ.මේ අතරින් සමහරු මේ වන විට රෝහල්ගතව ප්‍රතිකාර ලබති. කෙසේවෙතත් ඒ කිසිවකුගේ තත්වය අයහපත් බවක් වාර්තාවී නොමැත.
මේ වන විට ඔවුන්ගේ ආශ්‍රිතයන් නිරෝධායනයට ලක් කිරීමට කටයුතු කර තිබේ.
මේ තත්වය නිසා ඔවුන් හා සම්බන්ධවූ තවත් රංගන ශිල්පීන් පිරිසක් තම පුද්ගලික වියදමින් කොළඹ පුද්ගලික රෝහල්වලදී කොරෝනා පරීක්ෂණ සිදු කර තිබේ.
එම පරීක්ෂණ ප්‍රතිඵල ලැබෙන තෙක් එම සියළු දෙනා සෞඛ්‍ය බලධාරින්ගේ උපදෙස් මත නිවෙස් නිරෝධායනයේ යෙදී සිටී.
මේ අතර ජනප්‍රිය රංගන ශිල්පිණී චතුරිකා පීරිස්ට කොරෝනා වෛරසය ආසාදනය වී ඇතැයි ඇගේ සැමියා වන ජනප්‍රිය නළු ගයාන් වික්‍රමතිලක සමාජ මාධ්‍ය ඔස්සේ වීඩියෝවක් නිකුත් කරමින් තහවුරු කර ඇත. චතුරිකා පිරිස් මේ වන විට රෝහල් ගතව ප්‍රතිකාර ලබන බව පවසන ඔහු තමන් සහ දරුවා තම නිවසේ නිරෝධයනය වෙමින් සිටින බවද සඳහන් කරයි.
චතුරිකාගේ වත්මන් තත්වය යහපත් බවද පවසන ඔහු කොරෝනා ආසාදනය සැඟවිය යුතු දෙයක් නොවන බව ද සඳහන් කළේය.